Robert Lewandowski, framherji Bayern Munich gæti verið á förum frá félaginu í sumar.

Framherjinn er sagður vilja reyna fyrir sér annarsstaðar en í Þýskalandi en hann sló í gegn með Borussia Dortmund á sínum tíma.

Sky Sports greinir frá því í dag að bæði Chelsea og Manchester United vilji fá leikmanninn í sínar raðir næsta sumar.

Það stefnir því í harða baráttu um pólska framherjann sem hefur raðað inn mörkunum í Þýskalandi, undanfarin ár.

Bayern Munich er hins vegar ekki sagt tilbúið að selja framherjann en ef hann fer fram á sölu þá gætu þeir hugsað sig tvisvar um.