Liverpool tók á móti Watford í ensku úrvalsdieldinni í dag en leiknum lauk með 5-0 sigri heimamanna.
Mohamed Salah gerði sér lítið fyrir og skoraði fernu í leiknum en Roberto Firmino var einnig á skotskónum, eftir sendingu frá Salah.
Salah var að vonum sáttur í leikslok en hann var ánægðastur með stigin þrjú.
„Ég verð að þakka öllum hjá félaginu fyrir þetta og auðvitað liðsfélögum mínum, þeir eiga heiðurinn að þessu,“ sagði Salah.
„Ég hefði aldrei náð að skora svona án þeirra. Við viljum vinna hvern einasta leik og ég vil bara skora og hjálpa liðinu. Það mikilvægasta í dag var að ná í þrjú stig.“
„Við sýndum frábær viðbrögð eftir tapið gegn United. Við náðum í góð úrslit og héldum hreinu, það var það mikilvægasta í dag,“ sagði hann að lokum.
