Aníta Hinriksdóttir úr ÍR og Kristinn Þór Kristinsson Selfossi báru sigur úr bítum í Víðavangshlaupi ÍR sem fram fór í miðborg Reykjavíkur í dag.
Hlaupið var annað fjölmennasta Víðavangshlaup ÍR frá upphafi, en 699 hlauparar luku hlaupi, en 740 voru skráðir til leiks. Hlaupið er 5 kílómetra langt og fór fram í miðbæ Reykjavíkur þar sem meðal annars var hlaupið upp Hverfisgötuna og niður Laugaveginn.
Kristinn Þór Kristinsson Selfossi og Aníta Hinriksdóttir,ÍR sigruðu í flokki kvenna og karla. Þau urðu um leið Íslandsmeistarar í 5 kílómetra götuhlaupi.
Fyrst þrír í karlaflokki voru:
1. Kristinn Þór Kristinsson Selfoss 00:16:08
2. Guðni Páll Pálsson ÍR 00:16:18
3. Þórólfur Ingi Þórsson ÍR 00:16:23
Fyrstu þrjár í kvennaflokki voru:
1. Aníta Hinriksdóttir ÍR 00:17:21
2. Andrea Kolbeinsdóttir ÍR 00:18:31
3. Jóhanna Skúladóttir Ólafsdóttir 00:18:59
Víðavangshlaup ÍR hefur verið órjúfanlegur þáttur í hátíðarhöldum Reykjavíkurborgar á sumardaginn fyrsta í eina öld. Hlaupið er elsta hlaup landsins og með elstu almenningshlaupum í Evrópu. Aldrei hefur fallið úr hlaup og er Víðavangshlaup ÍR einn af þeim íþróttaviðburðum sem eiga sér lengsta samfellda sögu hér á landi.