Greint er frá þessu á forsíðu Morgunblaðsins í dag. Þar kemur fram að samkvæmt heimildum hafi fundist myndefni sem sýnir þá meðhöndla fjölskotariffla af gerðinni AK-47 á erlendri grund.
Morgunblaðið vísar í ónefnda lögreglumenn sem sagðir eru hafa séð myndefnið en þeir vilja ekki koma fram undir nafni. Herma heimildir blaðsins að mennirnir hafi borið merki Hamas á myndefninu og að hluti mannanna sé á lista Interpol yfir grunaða hryðjuverkamenn.
DV hefur greint frá því að árásin, þar sem sjö voru upphaflega handteknir, hafi tengst skuldauppgjöri. Árásarþolar voru tveir og er þeir íslenskir. Annar lá um tíma á gjörgæsludeild og herma heimildir DV að brotaþolarnir og árásarmennirnir hafi þekkst og höfðu þeir mælt sér mót. Segir Morgunblaðið að þeir séu með ríkisfang í Svíþjóð, Palestínu og öðrum ríkjum Mið-Austurlanda.
Sjá einnig: Árásin í Túnunum vegna skuldauppgjörs
Í frétt Morgunblaðsins kemur fram að lögregla hafi miklar áhyggjur af þróun mála og nýr veruleiki blasi við. Árásin hafi verið framin á meðal almennings og almennir borgar hefðu vel getað dregist inn í atburðarásina.
Nánar um málið á forsíðu Morgunblaðsins.
