Pétur Rögnvaldsson var rekinn úr starfi hjá HK í gærkvöldi en hann þjálfaði kvennalið félagsins í knattspyrnu. Liðið leikur í næst efstu deild.

Sagt er að Pétur hafi brotið siðareglur félagsins og sökum þess sé honum sagt upp.

Samkvæmt heimildum 433.is var kvennalið HK að koma heim úr æfingaferð, þar er Pétur sakaður um að hafa hagað sér ósæmilega í garð leikmanna liðsins.

Samkvæmt sömu heimildum var haldin fundur með foreldrum leikmanna í gærkvöldi en margar þeirra eru ekki orðnar lögráða. Var málið þar lagt á borðið fyrir foreldra og spurningum svarað.

Pétur var á sínu öðru ári með lið HK en hefur nú látið af störfum og leitin að eftirmanni hans hafin.

Tilkynning HK:
Pétur Rögnvaldsson þjálfari meistaraflokks kvenna í knattspyrnu og HK hafa komist að samkomulagi um starfslok í kjölfar þess að hann gerðist sekur um brot á siðareglum félagsins. Pétur hefur þegar látið af störfum og óskum við honum velfarnaðar.