Everton hefur náð samkomulagi við Chelsea um að fá kantmanninn unga Tyrique George að láni með kauprétti.

Samkvæmt enskum blöðum hafa Chelsea gefið 19 ára leikmanninum grænt ljós á að gangast undir læknisskoðun og ganga frá félagaskiptunum.

Gert er ráð fyrir að læknisskoðunin fari fram í dag og ef allt gengur að óskum verður samningurinn staðfestur í kjölfarið. Everton hefur verið að leita að sóknarstyrk og lítur á George sem spennandi framtíðarkost sem gæti fengið dýrmætan spilatíma hjá félaginu.

Sunderland hafði einnig áhuga á að fá George fyrir lok félagaskiptagluggans, en Everton virðist hafa haft betur í baráttunni um undirskrift hans.

Ef af verður verður George fyrsti leikmaðurinn sem Everton fær til sín í þessum félagaskiptaglugga. Stuðningsmenn félagsins vonast til að hann geti bætt hraða og sköpunarkraft í sóknarleik liðsins á seinni hluta tímabilsins.