Rosenborg hefur ráðið Alfred Finnbogason sem nýjan yfirmann knattspyrnumála félagsins. Alfreð tekur við starfinu strax og hefur skrifað undir samning sem gildir út árið 2030.

Alfreð var í sama starfi hjá Breiðablik en hættir nú þar.

Í tilkynningu frá félaginu segir framkvæmdastjórinn Tore Berdal að Rosenborg hafi fengið afar góða heildarmynd af Alfreð, bæði sem manneskju og fagmanni. Hann sé leiðtogi með skýra og sóknarsinnaða leikaðferð, mótaða af ferli hans sem leikmaður og menntun í Hollandi.

Rosenborg fór í gegnum vandað ráðningarferli þar sem margir sterkir umsækjendur voru metnir. Í hlutverki íþróttastjóra mun Alfreð leiða öflugt teymi sem nær meðal annars yfir leikmannaráðningar, akademíuna og aðalþjálfara meistaraflokks.

Helstu verkefni hans verða að þróa áætluna félagsins, finna leikmenn sem henta hinni klassísku Rosenborg-leið og tryggja framþróun efnilegustu leikmanna Þrándheims.

Alfreð hefur leikið atvinnumannafótbolta í sjö löndum og á að baki feril á hæsta stigi í Hollandi, á Spáni og í Þýskalandi. Hann hefur lokið námi í sport management við Johan Cruyff Institute, hagfræði og stjórnun við Háskólann i Akureyri, auk UEFA Sporting Director Programme. Hann kemur til Rosenborg frá Breidablik.

Alfreð segist ganga til starfans af mikilli auðmýkt og hlakkar til að leggja sitt af mörkum við að byggja Rosenborg aftur upp sem leiðandi afl í norskri og evrópskri knattspyrnu.