Brasilíski knattspyrnumaðurinn Osvaldo Neto var hluti af stórum slagsmálum Udon Thani í Taílandi eftir ágreining við starfsfólk bars vegna ógreidds reiknings.

Samkvæmt fréttum átti atvikið sér stað snemma á mánudagsmorgun fyrir utan Tinder Bar. Hinn 42 ára gamli Neto er sakaður um að hafa reynt að yfirgefa staðinn án þess að greiða reikning upp á um 20 þúsund íslenskra krónur, eftir að hafa drukkið þar fram undir morgun.

Starfsfólk elti hann út á götu og í kjölfarið blossaði upp heiftarlegt rifrildi. Átökin mögnuðust þegar Neto er sagður hafa slegið mann sem var að mynda atvikið, með þeim afleiðingum að hann féll í jörðina.

Myndskeið sem hefur farið í dreifingu á samfélagsmiðlum sýnir einnig hvernig Neto grýtir konu í götuna áður en hann reynir að flýja á bíl sínum. Reiður mannfjöldi stöðvaði þó bílinn, dró hann út og réðst á hann áður en honum tókst að aka burt.

Lögreglan í Udon Thani staðfesti að tveir starfsmenn barsins hafi hlotið áverka. Eigandi barsins, Kanyanee Kaewnok, segir kæru hafa verið lagða fram og mál höfðað gegn Neto.

Neto hafði nýverið skrifað undir samning við Udon United. Rannsókn málsins stendur yfir.

Í spilaranum hér ofar má sjá brot af þessu.