Íþróttastjóri Bayern München, Max Eberl, hyggst eiga viðræður við Marc Guéhi þann 1. janúar næstkomandi, samkvæmt Sky í Þýskalandi.
Það er sá dagur sem enski miðvörðurinn má formlega ræða við erlend félög, en þá verða sex mánuðir eftir af samningi hans við Crystal Palace.
Þrátt fyrir að framlenging samning Dayot Upamecano sé forgangsverkefni hjá Bayern vilja Þjóðverjarnir einnig tryggja sér Guéhi á frjálsri sölu næsta sumar.
Sky Sports News hefur lengi greint frá því að fleiri stórlið fylgist grannt með stöðu Guéhi, þar á meðal Liverpool, Barcelona og Real Madrid, sem öll hafa áhuga á að fá hann til liðs við sig árið 2026.
Liverpool er einnig áfram áhugasamt um Guéhi strax í janúar, eftir að tilraun þeirra til að ganga frá kaupunum á varnarmanninum á lokadegi félagaskiptagluggans síðasta sumar fór út um þúfur.
