Reiðir knattspyrnuáhugamenn hafa kallað eftir því að miðasala á HM 2026 verði stöðvuð tafarlaust vegna óhóflegs miðaverðs.

Samtök knattspyrnuaðdáenda í Evrópu, Football Supporters Europe (FSE), hafa gagnrýnt FIFA harðlega og kallað verðlagninguna gríðarlegt svik gagnvart stuðningsmönnum.

Samkvæmt tölum frá FSE hafa miðaverð hækkað um allt að 370 prósent frá HM 2022 í Katar.

Þar kemur fram að aðdáandi sem ætlar að fylgja landsliði sínu í gegnum allt mótið í Bandaríkjunum, Kanada og Mexíkó þurfi að greiða að lágmarki um 5.142 pund, samanborið við um 1.095 pund fyrir fjórum árum.

Það er án ferðakostnaðar og annarra útgjalda.

Einungis að fylgja liðinu í riðlakeppninni myndi kosta um 436 pund, en úrslitaleikurinn er sagður kosta yfir 3.100 pund, sem er nær sexföld hækkun frá HM í Katar. FSE hefur sent harðorða yfirlýsingu til FIFA og forseta sambandsins, Gianni Infantino.