Manchester United veitir nú sálrænan og félagslegan stuðning til Rhys Bennett eftir að leikmaðurinn greindi frá því að faðir hans hefði tekið eigið líf.
Bennett, 21 ára, var fyrirliði liðsins sem vann FA Youth Cup árið 2022 og var á síðasta tímabili í láni hjá Fleetwood Town. Manchester United hefur veitt honum frí af mannúðarástæðum svo hann geti verið með fjölskyldu sinni á þessum erfiðu tímum.
Í tilkynningu á Instagram deildi Bennett fjórum myndum af sér og fjölskyldu sinni ásamt hjartnæmum skilaboðum.
„Pabbi, ég hélt aldrei að ég myndi þurfa að skrifa þetta svona snemma,“ skrifaði hann.
„Um helgina komst ég að því að hann hafði tekið eigið líf. Ég er brotinn, miður mín og vil ekki trúa að þetta sé raunverulegt, en því miður er það svo.“
„Frá því að keyra mig hvert sem var sem krakka til þess að horfa á mig uppfylla draum minn um að verða atvinnumaður, þú varst alltaf þar. Ég elska þig í þessu lífi og því næsta.“
Manchester United staðfesti að leikmaðurinn hefði fengið frí og bætti við að félagið væri að styðja hann á þann hátt sem hann og fjölskylda hans þurfa.
Fjöldi leikmanna, stuðningsmanna og félaga víða úr fótboltaheiminum hafa sent Bennett samúðarkveðjur og stuðningsyfirlysingar.
Í þessari frétt er fjallað um þunglyndi og sjálfsvíg. Ef einstaklingar glíma við sjálfsvígshugsanir er bent á Hjálparsíma Rauða krossins 1717 og netspjall Rauða krossins 1717.is. Opið allan sólarhringinn. Einnig má hafa samband við Píeta-samtökin sem veita ókeypis ráðgjöf í síma 552-2218, allan sólarhringinn. Netspjall Heilsuveru þar sem svarar hjúkrunarfræðingur er líka opið frá kl.8-22 alla daga. Fyrir þau sem misst hafa ástvin í sjálfsvígi má fá stuðning í sorg hjá Sorgarmiðstöð og hjá Pieta samtökunum.
