Jobe Bellingham gæti gripið til róttækra aðgerða vegna stöðu sinnar hjá Borussia Dortmund, samkvæmt fréttum í Þýskalandi.

Bellingham gekk til liðs við Dortmund frá Sunderland í sumar fyrir um 31 milljón punda eftir að hafa hjálpað liðinu að komast upp í ensku úrvalsdeildina.

Þessi 20 ára gamli miðjumaður sýndi góð tilþrif á Heimsmeistaramóti félagsliða, en hefur síðan átt erfitt uppdráttar í upphafi tímabilsins í Þýskalandi.

Hann hefur ekki skorað né lagt upp mark í sex leikjum í deildinni og hefur aðeins spilað 167 mínútur á tímabilinu. Yfirleitt hefur hann komið inn af bekknum og aldrei spilað heilan leik.

Faðir hans, Mark Bellingham, hefur þegar rætt við íþróttastjórann Sebastian Kehl um stöðu sonarins.

Samkvæmt blaðamanninum Sacha Tavolieri er Bellingham farinn að íhuga framtíð sína og telur sig aðeins fá tækifæri þegar aðrir leikmenn eru meiddir. Stjórinn Niko Kovac hefur valið að treysta frekar á reyndari miðjumenn í byrjunarliði sínu.

Bellingham er samningsbundinn Dortmund til ársins 2029 og því þyrfti annað félag að greiða háa upphæð eða ná samkomulagi um lán, jafnvel með kaupskyldu.

Frankfurt og RB Leipzig höfðu áður sýnt leikmanninum áhuga og enska úrvalsdeildin gæti einnig verið mögulegur áfangastaður. Manchester United og Crystal Palace fylgdust með honum áður en hann valdi Dortmund.