Tónlistarmaðurinn Keith Urban reyndi vandræðalegur að svara ekki spurningum um leikkonuna Nicole Kidman. Fréttir um skilnað þeirra hafa tröllriðið fréttum undanfarna viku og hafa netverjar verið duglegir að skoða nýleg viðtöl við kántrísöngvann.

Það eru sérstaklega tvö viðtöl sem hafa vakið athygli. Í byrjun september, nokkrum vikum áður en Kidman sótti um skilnað, var Urban í viðtali í útvarpsþættinum Jonesy & Amanda. Þau höfðu þá búið í sitthvoru lagi um tíma, án þess að það væri vitað.

Í þættinum var hann spurður út í „ótrúlegu ástarsögu“ hans og Kidman. Horfðu á klippuna hér að neðan, en margir hafa bent á að líkamstjáning hans segi meira en þúsund orð. Ef þú sérð hana ekki hér að neðan, smelltu hér eða prófaðu að endurhlaða síðuna.

 

View this post on Instagram

 

A post shared by Amanda Keller Brendan Jones (@jonesyandamanda)

Hitt viðtalið var í júlí, þegar samband þeirra stóð á brauðfótum. Fjölmiðlamaðurinn Ryan Seacrest spurði Urban út í Kidman og fannst mörgum viðtalið verða smá vandræðalegt um tíma. Horfðu á það hér að neðan.

Sjá einnig: Segja að djörf hlutverk Nicole Kidman hafi stuðlað að brestum í hjónabandinu