Sjónvarpskonan Kayla Nicole birti færslu á Instagram sem hefur vakið athygli margra, en fólk telur að hún hafi verið að segja eitthvað óbeint með henni. Ástæðan er að Kayla birti færsluna nokkrum klukkutímum eftir að fyrrverandi kærasti hennar, NFL-kappinn Travis Kelce, tilkynnti að hann væri trúlofaður ofurstjörnunni og söngkonunni Taylor Swift.
Á þriðjudaginn greindi parið frá því að þau væru trúlofuð og hafa gleðitíðindin tröllriðið samfélagsmiðlum og dægurmiðlum vestanhafs síðan þá.
Kayla birti klippu frá viðburði New York Times þar sem leikkonan Tracee Ellis Ross ræddi um að „upplifa gleði.“ Horfðu á umrædda klippu hér að neðan. Smelltu hér ef þú sérð hana ekki eða prófaðu að endurhlaða síðuna.
View this post on Instagram
Með myndbandinu skrifaði Kayla: „Las um þetta fyrir einhverjum árum síðan í bókinni: „Choose Joy: Because Happiness Isn‘t Enough.“ Svo góð!“
Kayla og Travis voru í saman og sundur frá 2017 til 2022. Ári síðar byrjaði hann með Taylor.
