Lögreglan í Stokkhólmi skýrði frá því á föstudaginn að maður hefði látist þegar bíll sprakk í loft upp. Svo virðist sem maðurinn hafi ætlað að fremja sprengjutilræði en hafi á einhvern hátt tekist að sprengja sjálfan sig í loft upp.

Aftonbladet skýrir frá þessu og segist hafa heimildir fyrir að maðurinn hafi verið við það að fremja sprengjutilræði þegar hann sprengdi sig í loft upp. Vitni segjast hafa séð manninn kveikja á einhverju og síðan hafi orðið sprenging.

Lögreglan er að rannsaka málið og sagðist talsmaður hennar ekki vilja tjá sig um hvort atburðarásin hafi verið eins og blaðið lýsir henni eða einhver önnur.

Margir hafa verið yfirheyrðir vegna málsins.