Hún birti myndband á Instagram þar sem hún ávarpaði fylgjendur sína.
„Hæ allir saman, ég vildi bara heyra aðeins í ykkur hvernig sumarið ykkar hefur verið. Mitt er búið að vera frábært,“ sagði hún kaldhæðnislega og bætti svo við: „Það hefur reyndar verið ömurlegt. En ég ætla að láta eins og það sé allt í góðu.“
Richards sagði að hún hefur verið að ganga í gegnum „mjög erfitt tímabil.“
„Það er svo erfitt að ganga í gegnum skilnað. Þetta er ekki minn fyrsti,“ sagði hún. Hún var áður gift leikaranum Charlie Sheen frá 2002 til 2006.
„Mér hefði aldrei dottið í hug að ég myndi skilja aftur,“ sagði hún. „Það er ýmislegt í kringum skilnaðinn sem er erfitt að tala um, en ég mun tala um það þegar það er rétti tíminn.“
Sjá einnig: Hafði þetta að segja um hjónabandið fjórum mánuðum áður en eiginmaðurinn sótti um skilnað
View this post on Instagram
Richards og Phypers giftu sig í september árið 2018. Phypers sótti um skilnað í byrjun júlí. Í skilnaðarbeiðni sinni dagsettri 4. júlí tilgreinir hann óleysanlegan ágreining sem ástæðu fyrir skilnaðinum. Hann fór einnig fram á framfærslu frá Richards.
Sjá einnig: Fær nálgunarbann eftir að hafa sakað eiginmanninn um ofbeldi – Harka færist í skilnaðinn
Þann 16. júlí fékk Richards tímabundið nálgunarbann á Phypers. Í dómsskjölum sem hún lagði fram lýsti hún nokkrum meintum ofbeldisfullum atvikum.
„Í gegnum allt samband okkar kyrkti Aaron mig oft harkalega, kreisti höfuðið á mér harkalega með báðum höndum, kreisti handleggina á mér fast, lamdi mig harkalega í andlitið og höfuðið og lamdi höfðinu á mér harkalega í handklæðahengið á baðherberginu,“ skrifaði hún í skjölunum.
Phypers neitaði að hafa nokkurn tíma beitt Richards ofbeldi.
„Leyfið mér að vera alveg skýr: Ég hef aldrei beitt Denise, eða neinn annan, líkamlegu eða tilfinningalegu ofbeldi. Þessar ásakanir eru algjörlega rangar og djúpt særandi. Denise og ég, eins og mörg pör, höfum staðið frammi fyrir okkar skerf af áskorunum, en allar ábendingar um ofbeldi eru algerlega ósannar. Ég hef alltaf reynt að nálgast hjónaband okkar með kærleika, þolinmæði og virðingu,“ sagði hann í yfirlýsingu til People.
Sjá einnig: Hafnar öllum ásökunum um ofbeldi
Phypers fullyrti í viðtali við TMZ þann 20. júlí að Richards hafi haldið framhjá honum. Hann sagðist hafa uppgötvað framhjáhaldið snemma árs 2025. Sagðist hann hafa fundið skilaboð milli Richards og meints elskhuga hennar á fartölvu hennar. Í skilaboðunum voru áform þeirra um að hittast á hóteli og að Richards hefði sagt manninum að hún myndi lauma honum inn á herbergi sitt. Phypers fullyrti að þegar hann hefði rætt við Richards um meint framhjáhald hennar hefðu þau að ákveðið að halda hjónabandinu áfram. En eftir harkalegt rifrildi þann 4. júlí hafi hann ákveðið að sækja um skilnað.
Sjá einnig: Harkan eykst í skilnaðinum – Sakar Richards um framhjáhald
