Daði Már Kristófersson fjármálaráðherra boðar aukið aðhald í ríkisfjármálum þokist verðbólguvæntingar ekki niður á við.

Þetta er haft eftir Daða Má í Morgunblaðinu í dag en hann segir að fjárlagavinna sé langt komin og frumvarp verði kynnt strax á fyrsta degi þings eftir sumarfrí.

Daði segir að fjármálaáætlun sem samþykkt var í sumar hafi ekki haft jafn jákvæð áhrif á þróun verðbólguvæntinga og vonast hafði verið til. Verði þessar væntingar viðvarandi þurfi að bregðast við því.

Ein leiðin til að auka aðhald sé sé að draga úr kostnaði.

„Það er auðvitað líka hægt að afla tekna, auk þess sem breyt­ing­ar á kerf­um geta stutt við verðlags­stöðug­leika. Við vit­um að hús­næðisliður­inn hef­ur leitt verðbólguþró­un­ina og er stór hluti af vænt­ing­un­um þar um. Þar er hægt að ná ein­hverj­um ár­angri sem væri þá til viðbót­ar við al­mennt aðhald. Þetta er hlut­ur sem ég tek mjög al­var­lega,“ seg­ir Daði Már meðal annars í Morgunblaðinu þar sem nánar er fjallað um málið.