Þetta kemur fram á vef Extra Bladet í Danmörku.
„Viðkomandi var of drukkinn til að geta séð um sig sjálfur og var hann látinn sofa úr sér í fangaklefa,“ segir lögreglufulltrúinn Tore-Andre Brakstad í samtali við NTB.
Ekki liggur fyrir hvort einstaklingurinn hafi sýnt af sér ógnandi eða ofbeldisfulla hegðun. Þá liggja ekki fyrir upplýsingar um þjóðerni viðkomandi en viðkomandi mun hafa ferðast með Icelandair.
Þetta var annar dagurinn í röð þar sem farþegar á leið frá Íslandi voru til vandræða með þeim afleiðingum að beina þurfti flugferðum til Noregs.
Á laugardag var vél á leið frá Keflavík til Búdapest lent í Stavanger vegna tveggja manna á fimmtugs- og sextugsaldri sem sýndu af sér ógnandi hegðun. Mennirnir voru færðir í fangaklefa og samkvæmt frétt Extra Bladet voru þeir sektaðir um 15.000 norskar krónur, eða 180 þúsund íslenskar krónur.
Í frétt Stavanger Aftenblad kemur fram að mennirnir gætu þurft að bera kostnaðinn af millilendingunni, en upphæðin nemur rúmri milljón króna.
