Sig­urður Ágúst Sig­urðsson, formaður Fé­lags eldri borg­ara í Reykjavík (FEB), segir margt eldra fólk kjósa frekar að búa í öðrum sveitarfélögum á höfuðborg­ar­svæðinu en Reykjavík til þess að það geti haft aðgang að bíla­kjall­ara og bíla­stæðum fyr­ir vini og ætt­ingja. Fólkið snúi svo jafnvel aftur til Reykjavíkur til aðhlynningar síðar á ævinni.

„Þessi flótti eldra fólks er að valda tekjutapi hjá Reykja­vík­ur­borg. Það er nógu mikið sjokk að þurfa að fara ár­lega skjálf­andi á bein­un­um til sýslu­manns til að láta end­ur­nýja öku­skír­teinið. Því fólk ótt­ast að fái það ekki end­ur­nýj­un sé verið að svipta það frjáls­ræði.

Nú er það tíska hjá borg­inni að vera með 0,7 bíla­stæði á hvern íbúa í ný­bygg­ing­um. Þannig að ef íbú­arn­ir vilja fá gesti og ætt­ingja í heim­sókn lend­ir fólkið í vanda með að fá bíla­stæði,“ seg­ir Sig­urður Ágúst í samtali við Morgunblaðið.

Sigurður Ágúst seg­ir að Reykja­vík­ur­borg muni skerða ferðaf­relsi eldra fólks ef bannað verði að hafa bíla­kjall­ara í nýj­um fjöl­býl­is­hús­um. Rakið er að arki­tekt­ar og hús­byggj­end­ur hafa í sam­töl­um við Morg­un­blaðið lýst áhyggj­um yfir því að borg­in hygg­ist tak­marka upp­bygg­ingu bíla­kjall­ara á Ártúns­höfða og í Keldna­land­inu. Bæði hverf­in eru hluti af þétt­ingu byggðar og þar gætu búið hátt í 20 þúsund manns.

Sjá má þessa þróun í nýbyggingum fjölbýlishúsa víðs vegar um borgina þar sem stæði fylgir ekki (hverri) íbúð, og jafnvel eru fá eða engin stæði í eða við húsið. Nefna má sem dæmi fyrirhugaða breytingu Laugavegar 77 í 28 íbúðir og ekkert stæði er í húsinu eða á lóð þess, Skipholt 1, fyrrum húsnæði Listaháskóla Íslands, sem búið er að breyta í 34 íbúðir, þar sem væntanlegum kaupendum er bent á að íbúar eigi rétt á íbúakorti til að leggja í nærliggjandi gjaldskyld stæði og einnig á ókeypis stæði í nágrenninu, og Heklureit með 82 íbúðum, þar sem 48 bílastæði eru í tveggja hæða bílakjallara. Húsið er fyrsti áfangi í uppbyggingu lóða á Laugavegi 168-176 og munu  Eru hér aðeins nefnd þrjú dæmi af handahófi í nágrenni blaðamanns DV.

Sigurður Ágúst segir í samtalinu við Morgunblaðið Reykjavíkurborg skerða ferðafrelsi eldra fólks með því að banna að hafa bílakjallara í fjölbýlishúsum. Margir af eldri kynslóðinni fari ekki út þegar hálka er á vegum á veturna, göngustígar séu oft ekki nálægt húsum þó borgin salti og sandi þá.

„Það get­ur verið hamlandi þegar fólk þarf til dæm­is að leita lækn­is. Það fylg­ir því ákveðið frelsi að vera á bíl.“