fbpx
Fimmtudagur 03.júlí 2025
Fréttir

Eftirlýstur hælisleitandi úrskurðaður í gæsluvarðhald eftir að hafa forðast brottvísun í tæp 3 ár

Ritstjórn DV
Miðvikudaginn 2. júlí 2025 11:49

Ekki missa af Helstu tíðindum dagsins í pósthólfið þitt

Lesa nánar

Hælisleitandi hefur verið úrskurðaður í gæsluvarðhald til 4. júlí, en hann hefur frá árinu 2022 verið eftirlýstur og reynt að komast hjá því að vera brottvísað til Grikklands þar sem hann hefur þegar hlotið alþjóðlega vernd.

Hælisleitandinn sótti um alþjóðlega vernd hér á landi þann 2. mars árið 2022. Útlendingastofnun hafnaði umsókninni þar sem viðkomandi hafði þegar hlotið alþjóðlega vernd í Grikklandi. Kærunefnd útlendingamála staðfesti ákvörðunina þann 15. ágúst 2022 og fljótlega eftir það sendi Útlendingastofnun heimferðar- og fylgdardeild ríkislögreglustjóra beiðni um að framkvæma brottvísun. Lögregla hitti hælisleitandann á dvalarstað hans þann 14. september 2022 og var honum tilkynnt um fyrirhugaða brottvísun til Grikklands á næstu tveimur vikum. Þegar brottvísun átti að fara fram hafði hælisleitandinn yfirgefið dvalarstað sinn og lét ekki ná í sig. Hann var í kjölfarið eftirlýstur af lögreglu.

Það var svo ekki fyrr en nú í sumar, þann 11. júní, sem hælisleitandinn var handtekinn vegna eftirlýsingar lögreglu. Honum bar í kjölfarið að tilkynna sig til lögreglu alla virka daga í 28 daga og sinnti því. Hann var svo aftur handtekinn þann 25. júní vegna fyrirhugaðrar fylgdar til Grikklands þann 25. júní. Þá tókst að koma hælisleitandanum frá Íslandi en fluginu var millilent og þá kom til vandræða.

Hælisleitandinn neitaði svo að fara um borð í næsta flug og kvaðst meðal annars vera of veikur. Hann gerði lögreglu ómögulegt annað en að bíða með fylgdina. Lögregla reyndi aftur degi síðar en aftur kom hann sér hjá því að fra um borð í vélina með því að láta sig falla niður stiga á flugvellinum. Var þá ákveðið að snúa aftur með hælisleitandann til Íslands og við komuna aftur var hann handtekinn og færður í fangaklefa.

Héraðsdómur úrskurðaði hælisleitandann svo í gæsluvarðhald til 4. júlí og hefur Landréttur staðfest ákvörðunina. Ekki kemur fram í úrskurði hvers lenskur hælisleitandinn er.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Alvarleg staða á Landspítalanum – Ófaglærðir halda starfseminni gangandi þegar kemur að hjúkrun og umönnun

Alvarleg staða á Landspítalanum – Ófaglærðir halda starfseminni gangandi þegar kemur að hjúkrun og umönnun
Fréttir
Fyrir 18 klukkutímum

Hvað hefði brúðkaup Bezos kostað á Íslandi? – „Var mjög rausnarlegur og ég komst upp í 2,7 milljarða“ 

Hvað hefði brúðkaup Bezos kostað á Íslandi? – „Var mjög rausnarlegur og ég komst upp í 2,7 milljarða“ 
Fréttir
Í gær

Segir stjórnarandstöðuna leggja fæð á Ingu Sæland og hindra framfaramál með botnlausu málþófi

Segir stjórnarandstöðuna leggja fæð á Ingu Sæland og hindra framfaramál með botnlausu málþófi
Fréttir
Í gær

Sjónvarpsstöðin SÝN opnar upp á gátt fyrir alla landsmenn frá og með 1. ágúst

Sjónvarpsstöðin SÝN opnar upp á gátt fyrir alla landsmenn frá og með 1. ágúst
Fréttir
Í gær

Eyðilögðu langdrægar sprengjuflugvélar á rússneskum flugvelli

Eyðilögðu langdrægar sprengjuflugvélar á rússneskum flugvelli
Fréttir
Fyrir 2 dögum

Komu heim 9800 hárum ríkari – Svitabandið gegnir mikilvægu hlutverki – „Okkur leið eins og við værum svona Handmade Taska“

Komu heim 9800 hárum ríkari – Svitabandið gegnir mikilvægu hlutverki – „Okkur leið eins og við værum svona Handmade Taska“