Breiðablik kom til baka í seinni hálfleik og valtaði yfir nágranna sína í Stjörnunni í Bestu deild karla í kvöld.

Benedikt Waren kom Stjörnunni yfir snemma leiks og útlitið fyrir Garðbæinga var lengi vel gott. Þegar 20 mínútur lifðu leiks settu Blikar hins vegar í fimmta gír og Kristófer Ingi Kristinsson gerði frábæra þrennu.

Aron Bjarnason innsiglaði 1-4 sigur í restina og Íslandsmeistararnir halda öðru sætinu, eru nú með jafnmörg stig og Víkingur, 26, sem þó á leik til góða. Stjarnan er í fjórða sæti með 20 stig.

Gott gengi Vals hélt þá áfram, en liðið vann sigur á KA í markaleik í kvöld. Adam Pálsson, Tómas Bent Magnússon, Albin Skoglund og Stefán Gísli Stefánsson gerðu mark hvor í 2-5 sigri, eitt markanna var sjálfsmark Ásgeirs Sigurgeirssonar.

Bjarni Aðalsteinsson og Hans Viktor Guðmundsson gerðu mark KA. Valur er í þriðja sæti með 24 stig en KA er með 12 stig í ellefta sæti.