Joao Pedro framherji Brighton er ofarlega á óskalista Newcastle í sumar og vill félagið fá hann.
Telegraph fjallar um málið og segir Newcastle vilja festa kaup á þremur leikmönnum.
Pedro er einn þeirra en framherjinn er 23 ára gamall og kemur frá Brasilíu.
Newcastle er einnig að reyna að ganga frá kaupum á James Trafford sem er 22 ára gamall og kæmi frá Burnley.
Þá hefur Newcastle verið að eltast við Anthony Elanga kantmann Nottingham Forest en fyrsta tilboði félagsins var hafnað.
