Xabi Alonso stjóri Real Madrid hefur beðið stjórn félagsins að hætta að eltast við framherja og vill að einbeitingin fari í það að finna miðjumann. AS á Spáni segir frá.
Real Madrid var á markaðnum eftir sóknarmanni en Gonzalo Garcia hefur heillað Alonso.
Garcia er 21 árs gamall og á HM félagsliða hefur hann heillað nýjan stjóra sinn bæði á æfingum og í leikjum.
Real Madrid hafði skoðað að kaupa Ante Budimir framherja Osasuna til að vera varaskeifa fyrir aðra menn. Alonso telur ekki þörf á því.
Alonso vill styrkja miðsvæði sitt en Luka Modric fer frá félaginu eftir HM félagsliða og þarf liðið því að auka breiddina þar.
