Stjarnan vann frábæran sigur á KR í Bestu deild karla í kvöld en lokaleikur umferðarinnar fór fram í Garðabæ.
KR er í dag þekkt fyrir það að skora mikið af mörkum en fær einnig á sig mikið af mörkum sem varð raunin í kvöld.
Stjarnan hafði betur með fjórum mörkum gegn tveimur í nokkuð öruggum sigri þar sem fjórir mismunandi markaskorarar komust á blað fyrir heimamenn.
Emil Atlason, Alex Þór Hauksson, Benedikt V. Warén og Örvar Eggertsson gerðu mörk Garðbæinga í sigrinum.
Aron Sigurðarson og Hjalti Sigurðsson skoruðu mörk KR í viðureigninni en það var langt frá því að tryggja góð úrslit þó gestirnir hafi verið mun meira með boltann.
