Thierry Henry, einn besti sóknarmaður allra tíma, fékk alvöru lestur frá fyrrum liðsfélaga sínum Xavi er þeir spiluðu saman hjá Barcelona fyrir þónokkrum árum síðan.

Henry var nýkominn til Barcelona frá Arsenal á Englandi og gerði í raun grín að ‘mottói’ Barcelona sem ber heitið ‘Mes que un club’ sem er tilvitnun í að Barcelona sé meira en bara félag innan vallar.

Henry ákvað að grínast með þetta ‘mottó’ stuttu eftir komu til félagsins en hann ræddi þar við samherja sinn Samuel Eto’o.

Xavi, einn besti leikmaður í sögu Barcelona, heyrði það sem Henry hafði að segja og var svo sannarlega ekki hrifinn og komst Henry fljótt að því.

,,Ég var að ræða þetta mál við Samuel Eto’o og ég sagði einfaldlega: ‘Més que un club? Rífið ykkur í gang!“ sagði Henry.

,,Xavi birtist svo fyrir aftan mig og spurði: ‘Hvað sagðirðu?’ Hann sagði mér að halda kjafti og að einbeita mér að minni eigin vinnu, ég hafði engan rétt á að tala svona um hans félag.

,,Á þessum tíma áttaði ég mig ekki á því hvað ég væri að segja, ég var ekki búinn að kynnast menningunni eða félaginu. Í dag veit ég vel hvað þetta þýðir, ég tapaði og vann með þessu félagi.“

,,Þú ert fljótur að læra þessa hluti þegar þú ert hluti af Barcelona, fólk í kringum félagið er mjög stolt af því sem það tilheyrir.“