Gary Neville, goðsögn Manchester United, er gríðarlega stressaður fyrir mikilvægasta leik liðsins á þessu tímabili.

Sá leikur er gegn Tottenham á Spáni en liðin munu eigast við í úrslitaleik Evrópudeildarinnar á San Mames.

Sigurliðið mun tryggja sér sæti í Meistaradeildinni fyrir næsta tímabil en þessi tvö lið eru nálægt botninum í deildinni á Englandi og eiga ekki möguleika á að tryggja sér sæti í gegnum þá keppni.

Neville er vel stressaður fyrir þennan leik en United er vissulega enn taplaust í Evrópu þetta tímabilið eftir 7-1 samanlagðan sigur á Athletic Bilbao í undanúrslitum.

,,Þetta verður risasstór leikur og úrslitin munu skipta bæði lið gríðarlegu máli,“ sagði Neville.

,,Mér líður ekki vel fyrir þennan leik sem stuðningsmanni United, vegna þess sem er í húfi fyrir félagið.“