Miðjumaðurinn Jorginho er að yfirgefa Arsenal og fer hann til Flamengo í Brasilíu eftir tímabilið. Fabrizio Romano og helstu miðlar segja frá þessu.
Hinn 33 ára gamli Jorginho verður samningslaus hjá Arsenal eftir leiktíðina og fer hann því frítt til Brasilíu, landsins þar sem miðjumaðurinn fæddist en hann valdi þó að leika fyrir ítalska landsliðið.
Jorginho gekk í raðir Arsenal í janúar 2023 frá Chelsea. Hefur hann reynst félaginu dyggur þjónn en er þó í aukahlutverki.
Jorginho mun skrifa undir þriggja ára samning við Flamengo, sem situr í öðru sæti brasilísku deildarinnar að sjö umferðum loknum.
