fbpx
Laugardagur 12.júní 2021
Sport

Lengjudeild karla: Kristófer Óskar með fernu í stórsigri Aftureldingar – Fjölnir vann Gróttu

Helgi Sigurðsson
Föstudaginn 14. maí 2021 21:13

Magnús Már Einarsson og hans menn unnu stórsigur. Mynd: Raggi Óla

Ekki missa af Helstu tíðindum dagsins í pósthólfið þitt

Lesa nánar

Þremur leikjum lauk nýlega í 2. umferð Lengjudeildar karla. Afturelding, Fjölnir og Selfoss unnu sigra.

Ólsarar steinlágu

Kristófer Óskar Óskarsson kom Aftureldingu yfir gegn Víkingi Ólafsvík á 5. mínútu. Hann tvöfaldaði forystuna skömmu síðar. Valgeir Árni Svansson kom Aftureldingu svo í 0-3 áður en stundarfjórðungur var liðinn á Ólafsvík. Þess má geta að Víkingur lenti einnig 3-0 undir snemma leiks gegn Fram í síðustu umferð. Hlynur Sævar Jónsson minnkaði muninn fyrir Víking á 17. mínútu. Kristófer skoraði svo þriðja mark sitt um tíu mínútum síðar og kom fram í 1-4. Þannig var staðan í hálfleik.

Eftir stundarfjórðung af seinni hálfleik fékk Emmanuel Eli Keke að líta rautt spjald. Stuttu síðar bætti Kristófer við fjórða marki sínu, magnaður leikur hjá honum. Markaskorari Víkinga, Hlynur Sævar, fékk svo rautt spjald undir lok leiks. Víkingar með níu leikmenn eftir á vellinum. Lokatölur urðu 1-5.

Afturelding er með 4 stig eftir fyrstu tvær umferðirnar. Ólsarar eru án stiga.

Fjölnir vann uppgjör liðanna sem féllu

Fjölnir vann 1-0 sigur á Gróttu á Extra vellinum í Grafarvogi. Þetta eru liðin sem féllu úr Pepsi Max-deildinni í fyrra. Valdimar Ingi Jónsson skoraði eina mark leiksins á 10. mínútu.

Fjölnir er með fullt hús stiga eftir tvær umferðir. Grótta er með 3 stig.

Selfoss náði í sín fyrstu stig

Kenan Turudija kom Selfyssingum yfir gegn Kórdrengjum strax á 4. mínútu. Hrvoje Tokic tvöfaldaði forystu þeirra þegar rúmur hálftími var liðinn. Staðan í hálfleik var 0-2 í Breiðholtinu.

Davíð Þór Ástbjörnsson minnkaði muninn fyrir Kórdrengi þegar stundarfjórðungur lifði leiks og hleypti spennu í leikinn. Arnleifur Hjörleifsson, leikmaður Kórdrengja, fékk að líta rautt spjald tíu mínútum síðar. Einum fleiri gerðu Selfyssingar út um leikinn með örðu marki Tokic. Lokatölur 1-3.

Selfoss var að ná í sín fyrstu stig í deildinni. Kórdrengir eru með 1 stig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 16 klukkutímum

Valencia horfir til leikmanns í Lengjudeildinni – ,,Örugglega fyrsti leikmaðurinn frá Hvammstanga sem að getur eitthvað“

Valencia horfir til leikmanns í Lengjudeildinni – ,,Örugglega fyrsti leikmaðurinn frá Hvammstanga sem að getur eitthvað“
433Sport
Fyrir 17 klukkutímum

Sancho og hans fólk telur það klappað og klárt að hann fari til United

Sancho og hans fólk telur það klappað og klárt að hann fari til United
433Sport
Fyrir 22 klukkutímum

Vítaskyttur Englands skoðaðar – Þetta er tölfræði þeirra

Vítaskyttur Englands skoðaðar – Þetta er tölfræði þeirra
433Sport
Fyrir 23 klukkutímum

Pogba segist ekki hafa fengið neitt boð frá United um nýjan samning

Pogba segist ekki hafa fengið neitt boð frá United um nýjan samning