Jordan Henderson fyrrum fyrirliði Liverpool er byrjaður að æfa aftur hjá félaginu en hann hefur sést á æfingasvæði félagsins undanfarna daga.

Henderson yfirgaf Liverpool síðasta sumar og samdi við lið í Sádí Arabíu, hann gafst upp eftir fjóra mánuði þar.

Henderson gekk í raðir Ajax í janúar en glímir nú við meiðsli og fær að taka endurhæfinguna í Englandi.

Henderson hefur verið að æfa einn með sjúkraþjálfara á æfingasvæði Liverpool til að reyna að koma sér í stand aftur.

Henderson vonast til þess að fara á fulla ferð innan tíðar til þess að komast með á Evrópumótið í Þýskalandi í sumar.