Forráðamenn Barcelona hafa reynt allt til þess að losna við Frenkie de Jong í sumar en hann hefur staðið fast á sínu.
Barcelona þarf að losa um fjármuni og De Jong sem er launahæsti leikmaður liðsins vill ekki lengur lækka laun sín.
Barcelona skuldar De Jong 17 milljónir punda í laun sem félagið ætlaði að greiða honum næstu árin. Félagið vill nú að De Jong afskrifa þá upphæð.
De Jong hefur verið á óskalista Manchester United í allt sumar en nú virðist líklegra að hann fari til Chelsea, fari hann frá Barcelona.
Stuðningsmenn Barcelona öskruðu á De Jong þegar hann kom til æfinga í gær vegna þess að hann vill ekki lækka laun sín til að bjarga félaginu sem er í fjárhagsvandræðum.
Barcelona þarf að losa De Jong og fleiri til að skrá nýja leikmenn inn í kerfið hjá spænsku úrvalsdeildinni.
Á meðan framtíð De Jong er í lausu lofti slakar hann á með unnustu sinni og skellti sér í dag á brimbretti í borginni þar sem sólin skín.