Marco Silva, stjóri Everton verður rekinn úr starfi í dag ef marka má frétt BBC í dag. Þar er sagt að stjórn Everton muni reka Silva í dag.
Brottrekstur hans kemur lítið á óvart, 5-2 tap gegn Liverpool í gær var síðasta kornið sem fyllti mælirinn.
Þessi 42 ára gamli Portúgali veit að staða hans er erfið. ,,Þú verður að spyrja einhvern annan en mig,“ sagði SIlva eftir tapið í gær, um hvort starf hans væri í hættu.
BBC segir afar ólíklegt að Silva bjargi starfinu sínu á fundi í dag, nýr maður verði í brúnni gegn Chelsea á laugardag.
Talið er líklegt að David Moyes, fyrrum stjóri félagsins snúi aftur en hann hefur verið án starfs síðustu mánuði. Moyes sagði upp hjá Everton árið 2013 til að taka við Manchester United, síðan þá hefur þjálfaraferill hans ekki verið glæsilegur.