

Tottenham er spáð að halda sér uppi í ensku úrvalsdeildinni samkvæmt nýrri útreikningum ofurtölvu, þrátt fyrir slakt gengi að undanförnu.
Lið Igor Tudor tapaði 3-0 gegn Nottingham Forest um helgina, en spálíkan BETSiE telur samt að Spurs sleppi við fall. Forest er spáð 16. sæti, einu stigi fyrir ofan Tottenham, á meðan Leeds endar í 15. sæti, stigi ofar.
Í toppbaráttunni er Arsenal spáð Englandsmeistaratitli með 84 stig, sjö stigum meira en Manchester City í öðru sæti. Manchester United er spáð þriðja sæti undir stjórn Michael Carrick, rétt á undan Aston Villa.
Liverpool á að enda í fimmta sæti samkvæmt spánni, sem gæti gefið sæti í Meistaradeild, á meðan Chelsea endar í sjötta sæti.
Everton er spáð áttunda sæti, fyrir ofan Newcastle, sem gæti tryggt félaginu Evrópusæti í fyrsta sinn í níu ár.
