Óheppinn tippari missti af háum vinningi eftir að hafa tekið peninginn út of snemma á 15-földum seðli í enska boltanum. Fjallað er um málið í þarlendum miðlum.

Maðurinn setti aðeins 5 pund (833 krónur) undir en seðillinn hefði getað skilað um 42 þúsund pundum (7 milljónum króna). Á miðanum voru meðal annars sigrar Norwich og Southampton, sem unnust báðr.

Allt útlit var fyrir að maðurinn tæki stóran vinning en þá ákvað hann að taka peninginn út (e. cash out) fyrir aðeins 114 pund (19 þúsund krónur).

Hann virðist hafa tekið ákvörðunina þegar Bristol Rovers jafnaði leik sinn gegn Gillingham, áður en þeir tryggðu sér sigur skömmu síðar.

Það má því segja að 42 þúsund pund hefðu farið í vaskinn. Viðbrögðin við þessu létu ekki á sér standa á samfélagsmiðlum og eru margir á því að þetta hafi verið ein versta ákvörðun sögunnar er kemur að veðmálum.

Step dads bet for 42 grand come in but he cashed it for £114🤮 pic.twitter.com/96tKnMLCMt

— Harry Vince (@Hazzy_Vince) March 21, 2026