Það stefnir allt í að Zinedine Zidane snúi loksins aftur í þjálfun, hátt í fimm árum eftir að hann hætti hjá Real Madrid.
Samkvæmt Le Parisien hefur Zidane þegar náð munnlegu samkomulagi um að taka við franska landsliðinu eftir HM í sumar. Hann mun þá taka við af Didier Deschamps, sem hefur staðfest að hann hætti eftir mótið.
Deschamps hefur stýrt Frökkum síðan 2012 og leiddi liðið til heimsmeistaratitils 2018, auk þess að fara í úrslit aftur 2022.
Zidane hefur lengi verið orðaður við starfið og hefur sjálfur viðurkennt að það sé draumur hans að stýra þjóð sinni.
Zidane náði frábærum árangri sem stjóri Real Madrid, sem er jafnframt eina liðið sem hann hefur stýrt.
