Manchester United er byrjað að undirbúa sumargluggann og vill félagið styrkja vinstri bakvarðarstöðuna. Er aðallega horft til leikmanna innan ensku úrvalsdeildarinnar.
Samkvæmt vefmiðlinum Teamtalk eru þrjú nöfn efst á blaði: Myles Lewis-Skelly hjá Arsenal, Antonee Robinson hjá Fulham og Tyrick Mitchell hjá Crystal Palace.
United vill fá leikmann sem þekkir deildina vel og getur komið strax inn í liðið, enda hefur þetta verið nokkur vandræðastaða.
Lewis-Skelly er talinn sérstaklega spennandi kostur til framtíðar, en hann hefur átt erfitt með að fá mínútur hjá Arsenal vegna samkeppninnar þar þó svo að hann hafi komið frábærlega inn í aðalliðið á síðustu leiktíð.
