Mikel Arteta, stjóri Arsenal, segist alls ekki sjá eftir að spila varamarkverðinum Kepa Arrizabalaga í úrslitaleik enska deildabikarsins gegn Manchester City í gær.
Kepa gerði mistök í fyrra marki City í 0-2 tapi Arsenal. Liðið þarf að bíða aðeins lengur eftir fyrsta titlinum í sex ár og margir stuðningsmenn eru pirraðir á að David Raya, aðalmarkvörður Arsenal og einn besti leikmaður liðsins, hafi ekki spilað leik gærdagsins.
„Ég myndi gera þetta aftur. Ég sé ekki eftir neinu,“ segir Arteta hins vegar um valið, en Kepa hafði spilað alla keppnina fram að leiknum í gær.
„Ég geri bara það sem mér finnst rétt, heiðarlegt og sanngjarnt. Það hefði verðið mjög ósanngjarnt gagnvart honum og liðinu að gera hlutina öðruvísi.“
