Leikmenn Senegal hafa látið óánægju sína í ljós eftir að afríska knattspyrnusambandið svipti þá Afríkumeistaratitlinum og dæmdi Marokkó sigur.
Meira
Ótrúleg atburðarás í Afríku – Marokkó dæmdur sigur tveimur mánuðum eftir úrslitaleikinn
Úrslitaleikurinn var afar farsakenndur, en Senegal gekk tímabundið af velli eftir að Marokkó fékk dæmda vítaspyrnu. Þrátt fyrir að snúa aftur út á völl og sigra leikinn þar er þessi hegðun talin jafngilda því að gefa úrslitaleikinn, en áfrýjunarnefnd afríska knattspyrnusambandsins komst að þessari niðustöðu í gær í kjölfar kæru knattspyrnusambands Marokkó eftir leikinn í janúar.
Eftir ákvörðunina hafa leikmenn Senegal brugðist við á samfélagsmiðlum. Habib Diarra birti myndir með bikarinn og frá sigurhátíð liðsins í Dakar. Pathe Ciss deildi mynd með hlátur-tjáknum (e. emoji).
Pape Demba Diop skrifaði einfaldlega: „Ég held að við séum á geðveikrahæli“ og Moussa Niakhate birti mynd með textanum: „Þetta er ekki gervigreind. Þetta er raunverulegt.“
