Harvey Barnes, kantmaður Newcastle United, hefur verið kallaður inn í enska landsliðið af Thomas Tuchel.

Barnes kemur inn í hópinn í stað Eberechi Eze, sem er meiddur og missti af úrslitaleik Arsenal gegn Manchester City í enska deildabikarnum í gær.

Þetta er aðeins annað skiptið sem Barnes er valinn í landsliðið, hann á einn landsleik sem kom árið 2020.

Athygli vekur að Skotland reyndi að fá hann til að skipta um landslið fyrir HM í sumar, en Barnes hafnaði því.

England mætir Úrúgvæ og Japan í vináttuleikjum á Wembley síðar í mánuðinum.

Barnes hefur verið í góðu formi með Newcastle á tímabilinu og skorað 14 mörk í öllum keppnum.