Mason Greenwood er orðaður við endurkomu til Manchester United í spænskum miðlum.
Enski sóknarmaðurinn hefur heillað hjá Marseille, en franska félagið keypti hann af United 2024, í kjölfar lánsdvalar hjá Getafe.
Greenwood er sagður á blaði hjá Atletico Madrid og Juventus, en einnig að endurkoma til United sé hugsanleg.
Talið er að Greenwood kosti rúmar 40 milljónir punda, sem ætti að vera viðráðanlegri verðmiði fyrir Atletico og United en Juventus.
Endurkoma Greenwood til Englands yrði alltaf umdeild í ljósi fortíðar leikmannsins og mála utan vallar, eins og flestum er kunnugt um.
