Ben White, hægri bakvörður Arsenal, hefur verið kallaður aftur í enska landsliðið í fyrsta sinn í meira en þrjú ár.

White yfirgaf herbúðir enska landsliðsins á HM 2022 og var síðan ekki í myndinni undir stjórn Gareth Southgate. Nú fær hann hins vegar nýtt tækifæri hjá Thomas Tuchel, sem velur hann í stóran hóp sinn. White kemur inn fyrir Jarell Quansah sem er meiddur.

White hefur verið í minna hlutverki en síðustu ár hjá Arsenal á þessari leiktíð, en fær þó reglulega að spila í Meistaradeildinni og bikarkeppnum.

England mætir Úrúgvæ og Japan í vináttulandsleikjum á Wembley síðar í mánuðinum.

Athygli vekur að Trent Alexander-Arnold, sem spilar sömu stöðu og White, er ekki valinn í hóp Tuchel fjórða landsliðsverkefnið í röð.