Ari Leifsson er samkvæmt heimildum 433.is mjög nálægt því að skrifa undir við Val í Bestu deild karla. Ari er á heimleið og leiðir Valur kapphlaupið en Breiðablik og KA hafa einnig verið nefnd til sögunnar.

Ari er öflugur varnarmaður sem er á heimleið úr atvinnumennsku en Valsmenn leggja mikla áherslu á að fá hann.

Ari er 27 ára miðvörður sem á fjóra A-landsleiki að baki fyrir Ísland. Hann er samningsbundinn danska félaginu Kolding í næstefstu deild, en staða hans hjá liðinu virðist óljós um þessar mundir.

Hann hefur aðeins komið við sögu í tveimur deildarleikjum á tímabilinu og bendir það til þess að hann sé ekki í lykilhlutverki hjá þjálfara liðsins.

Ari kom til Kolding eftir dvöl hjá Strömsgodset í efstu deild Noregs, þar sem hann öðlaðist dýrmæta reynslu en virðist nú á leið á Hlíðarenda.