Ítölsku risarnir Inter eru sagðir undirbúa tilboð í markvörðinn Emiliano Martinez hjá Aston Villa. Argentínski heimsmeistarinn hefur verið lykilmaður hjá Villa síðan hann gekk til liðs við félagið árið 2020.
Samkvæmt Gianluca Di Marzio hefur Inter þegar haft samband við umboðsmenn Martinez til að kanna forsendur mögulegra félagaskipta. Félagið leitar að arftaka Yann Sommer, sem verður samningslaus í sumar.
Martinez, sem er 33 ára, skrifaði undir nýjan samning við Aston Villa í ágúst 2024 sem gildir í rúm þrjú ár til viðbótar. Það þýðir að Villa vill nokkuð háa upphæð fyrir hann, enda félagið í baráttu við fjárhagsreglurnar. Einnig gæti laun Martinez reynst hindrun, þar sem hann þyrfti líklega að samþykkja launalækkun til að flytja til Ítalíu.
Markvörðurinn hefur leikið 21 leik á tímabilinu og átt stóran þátt í því að Villa situr í þriðja sæti ensku úrvalsdeildarinnar. Missi félagið Martinez gæti það reynst mikið högg, þar sem óljóst er hvort það geti fundið sambærilegan markvörð í janúarglugganum.
