Everton eru að undirbúa nýtt samningsboð til markvarðarins Jordan Pickford og vilja halda honum hjá félaginu út allan hans feril.

Pickford, sem er nú á sínu níunda tímabili hjá Everton, undirritaði síðast samning árið 2023, sem gildir út júní 2027.

Pickford er 31 árs gamall og vill Everton gera fimm ára samning við hann.

Þrátt fyrir erfiða tíma og baráttu við fall síðustu ár, hefur Pickford haldið sæti sínu sem fyrsti kostur Englands í markinu og staðið sig vel á alþjóðavettvangi.

Stjórn Everton telur að Pickford vilji framlengja við félagið og setja stefnuna á að klára ferilinn hjá félaginu.

Félagið vonast til að jákvæður taktur, með nýjum eigendum, nýjum heimavelli og góðu gengi í upphafi móts verði hvatning fyrir Pickford til að skrifa undir.

David Moyes hefur einnig komið með ferskan kraft í liðið síðan hann sneri aftur, og hefur liðið sýnt batamerki undir hans stjórn.