Cody Gakpo hefur nú opinberað hversu langan tíma það tók að ná samkomulagi við Liverpool um nýjan samning – á sama tíma og Bayern München sýndi honum mikinn áhuga í sumarglugganum.
Hinn 26 ára hollenski sóknarmaður skrifaði undir nýjan samning við Liverpool síðastliðinn laugardag, sem batt endi á vangaveltur um framtíð hans á Anfield.
Bayern München hafði haft Gakpo á óskalistanum eftir að hafa misst af Florian Wirtz, sem valdi að ganga til liðs við Liverpool frekar en þýsku meistarana.
Gakpo, sem er nú er í landsliðsverkefni með Hollandi tjáði sig um samningsviðræðurnar og sagði þær hafa tekið um það bil eitt ár. „Ég held að það hafi tekið okkur ár en þetta var langt ferli,“ sagði hann.
„Eins og ég skil það þá höfðu þeir (Bayern) áhuga, en í lokin keyptu þeir Luis Díaz. Það er gaman. Auðvitað upplifði ég þetta allt öðruvísi sjálfur.“
„Svona félagaskiptagluggi getur verið stressandi og flókinn fyrir leikmenn og fólkið í kringum þá. En það truflar mig ekki lengur.“
„Það er erfitt, því margt er í gangi. Önnur félög hafa samband við þig, en þú vilt kannski vera áfram hjá núverandi liði. Þetta er erfið staða. Þegar framtíðin er óviss, þá getur þetta orðið mjög flókið.“
