Daniel Levy mætti óvænt í viðtal við the Overlap á dögunum en hann sér um allt og alla hjá Tottenham á Englandi.

Levy er lítið fyrir það að tjá sig í fjölmiðlum en ákvað að ræða við Gary Neville um sína stöðu og það sem er í gangi hjá enska félaginu.

Levy er ekki vinsæll á meðal allra stuðningsmanna Tottenham en hann hefur þó gert nokkuð fína hluti sem einn af eigendum félagsins síðustu ár.

Hann telur að sumir séu óþakklátir í dag en að þeirra skoðun muni mögulega breytast er hann yfirgefur félagið.

Tottenham er búið að byggja stórglæsilegan heimavöll þökk sé Levy og öðrum á bakvið tjöldin sem er einn sá fallegasti í Evrópu.

Levy mætir í raun aldrei í viðtöl til að tala um sig eða félagið og fékk Gary Neville sérstakt tækifæri til að spyrja hann nokkra spurninga.

,,Ég held að ég sé í þannig stöðu að þegar ég fer þá verður fólk þakklátt fyrir það sem ég hef gert fyrir félagið,“ sagði Levy.

,,Þegar þú kemur hingað og sérð þennan magnaða heimavöll sem önnur félög eru að reyna að herma eftir, það er merki þess að við höfum gert eitthvað djarft og rétt.“