Hjörvar Hafliðason sem stýrir Dr. Football hafði ekki gaman af því að hvernig Henry Birgir Gunnarsson lýsti leik FH og ÍBV á sunnudagskvöld. Um var að ræða leik í Bestu deild karla sem lauk með 1-1 jafntefli.

Leikurinn var ekki mikið fyrir augað og Henry minnti áhorfendur á Sýn reglulega á hversu lítil gæðin voru í leiknum.

Leikurinn var þó dramatískur en ÍBV komst yfir þegar lítið var eftir og FH jafnaði með aukaspyrnu seint í uppbótartíma.

„Ég og Henry Birgir erum miklir vinir, þegar ég er að horfa á svona leik vil ég ekki láta hlæja af mér fyrir að horfa á hann. Talandi um hvað hann er lélegur og ævintýralega leiðinlegur,“ sagði Hjörvar í hlaðvarpi sínu.

Hjörvar segir það óþarfa að segja fólki hversu lélegur fótboltinn sé sem verið er að horfa á. „Ég þarf ekki að láta að segja mér að eitthvað sé ömurlegt.“

„Maður var bara hugsandi hvort maður væri hálfviti að nota tvær klukkustundir í að horfa á þetta.“