Mögnuðum leik í ensku úrvalsdeildinni var að ljúka þar sem Liverpool vann magnaðan 2-3 sigur á Newcastle, 16 ára leikmaður var hetja Liverpool.

Liverpool komst yfir í fyrri hálfleiknum þegar Ryan Gravenberch skoraði með flottu skoti fyrir utan teign.

Í uppbótartíma fyrri hálfleiks var svo Anthony Gordon kantmanni Newcastle vikið af velli fyrir ljóta tæklingu á Virgil van Dijk.

Síðari hálfleikur var varla farin af stað þegar Hugo Ekitike kom Liverpool í 2-0 og staðan virtist vonlaus fyrir heimamenn, tveimur mörkum undir og manni færri.

Stemmingin var hins vegar góð á vellinum og Bruno Guimarães lagaði stöðuna eftir tæpa klukkustund.

Það var svo á 88 mínútu að William Osula jafnaði leikinn 2-2 en ungi danski framherjinn var nýlega mættur á völlinn.

Allt stefndi í jafntefli en á tíundu mínútu uppbótartíma var það Rio Ngumoha sem skoraði eftir frábæra sókn Liverpool. Markið hans má sjá hér að neðan.

🚨🏴󠁧󠁢󠁥󠁮󠁧󠁿 RIO NGUMOHA WINS IT IN THE 100TH MINUTE FOR LIVERPOOL !!!!!!!!!!!!!!!!!!!!!!!!!!!!!!!!!!!!!!!!!!!!!! THIS IS INCREDIBLE !!!!!!!!!!!!!!!!!!!!!!!!!!!!

Newcastle 2-3 Liverpool.pic.twitter.com/5GF1NATcfI

— Tekkers Foot (@tekkersfoot) August 25, 2025