Liverpool hefur staðfest það að félagið sé hætt að nota treyju númer 20 vegna portúgalans Diogo Jota sem lést fyrr í mánuðinum.
Jota lést í bílslysi ásamt bróður sínum Andre en sá fyrrnefndi klæddist treyju númer 20 hjá enska stórliðinu.
Liverpool tók þessa ákvörðun í sameiningu með fjölskyldu Jota en hann var nýgiftur er hann lét lífið og skilur eftir sig eiginkonu og þrjú börn.
Jota spilaði með Liverpool í fimm ár en hann var áður leikmaður Wolves.
Enginn leikmaður mun klæðast treyju númer 20 hjá Liverpool í framtíðinni en félagið heiðrar þar minningu Jota sem var aðeins 28 ára gamall.
