Íslenska kvennalandsliðið endar EM í Sviss án þess að vinna leik en liðið spilaði við Noreg nú í kvöld.

Ísland var úr leik fyrir viðureign kvöldsins eftir tap gegn Finnlandi í fyrstu umferð og svo gegn Sviss í þeirri annarri.

Ísland skoraði þrjú mörk í leik kvöldsins sem dugði ekki til en Noregur skoraði fögur og endar riðilinn með fullt hús stiga.

Dagný Brynjarsdóttir hafði mjög athyglisverða hluti að segja eftir leikinn í kvöld.

,,Þetta eru vonbrigði. Við ætluðum okkur stærri hluti og þó við værum úr leik í dag þá vildum við geta eins vel og við gátum en vorum ekki nógu góðar í dag,“ sagði Dagný.

,,Það hefði verið gott [að ná í stig fyrir stuðningsfólkið] og þau áttu það algjörlega skilið. Við sýndum karakter í lok leiks en hefðum þurft aðeins fleiri mínútur.“

,,Ég var svekkt að byrja ekki, mér fannst ég spila vel en Steini hefur ekki leyft mér að tengja tvo leiki síðan ég kom aftur í landsliðið svo ég reiknaði ekki með því. Kannski hefði ég skorað þrennu ef ég hefði fengið að byrja eða eitthvað.“

Dagný var svo spurð út í það hvort hún upplfiði það þannig að hún gæti ekki gert nóg til að fá að tengja tvo leiki.

,,Já ég upplifi það alveg svolítið sko.“