Helgi Fannar Sigurðsson skrifar frá Sviss
Þorsteinn Halldórsson landsliðsþjálfari ætlar ekki að gera margar breytingar á liði sínu fyrir lokaleik Íslands á EM gegn Noregi. Þó sagðist hann á blaðamannafundi í gær ætla að breyta einhverju, en einhverjir vilja sjá það eftir dapurt gengi á mótinu hingað til.
Hann staðfesti að Guðný Árnadóttir yrði frá, en hún fór meidd af velli í síðasta leik. Guðrún Arnardóttir fór yfir í hægri bakvörðinn og Sædís Rún Heiðarsdóttir kom inn í hennar stað. Spáum því að uppstillingin verði þannig í þessum leik.
Dagný Brynjarsdóttir átti þá flotta innkomu í síðasta leik og gæti haldið sæti sínu á miðjunni. Margir hafa kallað eftir því að Katla Tryggvadóttir byrji þennan leik og hún er á hægri kanti í þessu liði, en það er staða sem Þorsteinn hefur róterað í báðum leikjunum hingað til.
Ísland er úr leik fyrir leikinn í kvöld eftir töp gegn Finnum og Noregi í fyrstu leikjum riðlakeppninnar.
Líklegt byrjunarlið Íslands
Cecilía Rán Rúnarsdóttir
Guðrún Arnardótir
Glódís Perla Viggósdóttir
Ingibjörg Sigurðardóttir
Sædís Rún Heiðarsdóttir
Dagný Brynjarsdóttir
Karólína Lea Vilhjálmsdóttir
Alexandra Jóhannsdóttir
Katla Tryggvadóttir
Sandra María Jessen
Sveindís Jane Jónsdóttir
